Кыргызстанда картошканын ички өндүрүшү калктын жылдык керектөөсүн толук камсыз кылууга жетиштүү болгондуктан, анын импортуна 2027-жылдын 1-мартына чейин убактылуу чектөө киргизүү сунушталууда.
Суу ресурстары, айыл чарба жана кайра иштетүү өнөр жайы министрлигинен билдиришкендей, 2026-жылы өлкөдө болжол менен 1 млн 249 миң 700 тонна картошка өндүрүлүшү күтүлүүдө.
«Калктын жылдык керектөөсү 799 миң 700 тоннага жакын. Учурда картошка менен өзүн-өзү камсыз кылуу деңгээли 181,9 пайызды түзөт», — деп айтылат маалыматта.
Сунушталган чара жергиликтүү өндүрүүчүлөрдү колдоого, дыйкандар өндүргөн картошканы ички рынокто сатууга шарт түзүүгө жана азык-түлүк коопсуздугун бекемдөөгө багытталган.
Картошканын импортуна убактылуу чектөө киргизүү боюнча токтомдун долбоору учурда коомдук талкууда. Анын жүрүшүндө кызыкдар тараптардын сунуштары жана пикирлери эске алынат. Токтом мыйзамда белгиленген тартипте кабыл алынат.
Загрузка ...
