Милиция Бостеридеги жол кырсыктын чоо-жайын айтты

Балыкчы – Ананьево – Каракол унаа жолундагы Бостери айылында күн мурун, 2-июлда эртең мененки саат 07:10до “Мерседе-Бенц” жана “Киа К7” үлгүсүндөгү унаалардын катышуусунда жол кырсыгы катталган. Социалдык тармактарда кырсык катталган учурдагы видео тарады.

Жол кыймылынын коопсуздугун камсыздоо башкы башкармалыгынан билдиришкендей, кырсыктын кесепетинен “Киа К7” унаасындагы эки адам жабыркаган. Ошондой эле “Мерседе-Бенц” унаасынын айдоочусу жабыркап, жүргүнчүсү жеринде каза болгон.

Ведомство жарандардан жол эрежесин бузуу фактылары боюнча 0777 102-102 телефону аркылуу билдирүүнү өтүнөт.

3 Июль 2024 жыл 10:58

Тема боюнча