Дүйнө чемпионаты: Өзбекстан Колумбияга утулдубу?

Өзбекстандын футбол боюнча курама командасы дүйнө чемпионатында алгачкы оюнун өткөрдү.

Тайпалык этаптын биринчи турунун беттешинде Фабио Каннаваронун жетекчилиги астындагы команда Колумбиянын курама командасына каршы ойноду.

Беттеште эсеп 40-мүнөттө ачылды, анда «Кристал Пэлас» клубунун коргоочусу Даниел Муньос «Бавариянын» оюнчусу Луис Диастын пасынан кийин так сокку узатты — 1:0.

Экинчи таймда Өзбекстандын курама командасы эсеп санын теңей алды. Аббос Файзуллаев гол киргизди — 1:1.

Бирок 5 мүнөт өтпөй колумбиялыктар Диастын так соккусунан кийин кайрадан алдыга чыгышты.

Беттештин аягында Өзбекстандын курама командасы чабуулду күчөткөнү менен,  гол өткөрүп жиберди.

Беттештин соңку эсеби — 3:1, Колумбия 3 упайга ээ болуп, тайпанын лидери болушту.

Бул тайпадагы башка беттеште Португалия менен Конго 1:1 эсебинде тең чыгышкан.

23-июнда экинчи турда Өзбекстан Португалиянын курама командасы менен ойнойт, ал эми Колумбия 24-июнда Конгого каршы беттеш өткөрөт.