16-июнда Иран-Жаңы Зеландия ортосунда болгон беттеш 2:2 эсебинде жыйынтыкталды. Оюн АКШнын Лос-Анжелес шаарындагы стадиондо өттү. Оюнда Жаңы Зеландиялыктар топко көбүрөөк ээлик кылышты.
Беттештин 7-мүнөтүндө Элайжа Жаст Жаңы Зеландиянын пайдасына эсепти ачты. 32-мүнөттө ирандык Рамин Резаеян эсепти теңдеди. Тыныгуудан кийин 54-мүнөттө Элайжа Жаст дубль жасады. Ирандын голу көпкө күттүргөн жок. Биринчи голдун автору Рамин Резаеяндын жардамы менен Мохаммед Мохебби 64-мүнөттө башы менен топту атаандашынын дарбазасына киргизди.
G тайпасындагы Бельгия менен Египеттин беттеши да тең чыгуу менен аяктады. Мындан улам төрт курама команда тең 1ден упай алышты.
Дүйнө чемпионатындагы беттештер УТРК Спорт каналында түз эфирде көрсөтүлүп жатат.
Загрузка ...
