Жалал-Абад облусунда Кербен шаарын айланып өтүүчү 9 чакырым жолго асфальт төшөлүүдө. Бул тууралуу Транспорт министрлиги билдирет.
Маалыматта белгиленгендей, эки тилкелүү жолдун инженердик курулмаларды, анын ичинде суу өткөрүүчү түтүктөрдү орнотуу иштери толук аяктап, асфальт-бетон төшөлүүдө.
Жаңы айланма жол аркылуу Ала-Бука, Сары-Челек жана Кош-Дөбө тарапка каттаган унаалар Кербен шаарынын борборуна кирбей өтө алышат.
Мунун натыйжасында шаар ичиндеги транспорт агымы азайып, жол кыймылынын коопсуздугу жогорулайт. Ошондой эле Чаткал жана Ала-Бука райондоруна каттаган унаалар үчүн ыңгайлуу жана коопсуз шарт түзүлөт.
Загрузка ...
