Манас шаарына жакын жерде күчү 3,5 баллга жеткен жер титирөө катталды

Манас шаарына жакын жерде өткөн күнү күчү 3,5 баллга чукул жер титирөө болду.

Сейсмикалык активдүүлүк 3-сентябрда саат 18:53тө катталган.

Улуттук илимдер академиясынын Сейсмология институтунун маалыматы боюнча, жер титирөөнүн очогу Кыргыз Республикасынын аймагында жайгашкан: Таш-Купыр айылынан түндүк-батышты карай 7 чакырым, Салам-Алик айылынан түндүк-чыгышты карай 16 чакырым, Манас шаарынан чыгышты карай 62 чакырым аралыкта.

Жер титирөөнүн күчү Таш-Купыр, Ара-Көл, Салам-Алик айылдарында 3 баллга жакын болгон.