УКМК Чүйдө ишкерден 100 миң доллар талап кылган жарандарды кармады

Чүй облусунда ишкерлерден 100 миң доллар опузалап талап кылуу фактысы аныкталды. Бул тууралуу УКМКдан кабарлашты.

Комитеттин маалыматы боюнча, багбанчылык шериктештигинин төрагасы өзүнүн шериги менен биргеликте кум-шагыл аралашмасын казып алуу боюнча мыйзамдуу ишкердик ишмердүүлүгүнө жасалма тоскоолдуктарды жаратуу менен коркутуп, ишкерлерден жогоруда көрсөтүлгөн сумманы талап кылганы аныкталган.

17-ноябрда талап кылынган акчанын 30 миң долларын алып жаткан жеринен 1989-жылы туулган Ж.У.К. жана анын шериги 1969-жылы туулган К.Т.М. кармалды.

Жүргүзүлгөн иш-чаралардын жыйынтыгында кармалгандар УКМКнын убактылуу кармоочу жайына киргизилди. Учурда иштин бардык жагдайларын жана кылмышка тиешеси болушу мүмкүн болгон башка адамдарды аныктоого багытталган ыкчам-тергөө иш-чаралары улантылууда.

20 Ноябрь 2026 жыл 11:48
Көрүүлөрдүн саны:

Тема боюнча