Жаңы Зеландиянын түндүгүндөгү пляждан 19 кашалоттун сөөгү табылды

Жаңы Зеландиянын түндүгүндөгү Найн-Майл-Бич пляжынан 19 кашалоттун сөөгү табылды. Дагы 5 кашалот тирүү калганы менен алардын абалы оор. Бул тууралуу Синьхуа агенттиги билдирет.

Маалыматка ылайык, бул окуя бейшемби күнү катталган. Жаратылышты коргоо департаменти жергиликтүү маори элинин өкүлдөрү менен биргеликте аман калган кашалотторго жардам берүү иштерин жүргүзүүдө. Бул үчүн деңиз сүт эмүүчүлөрү боюнча адистер да тартылган.

Белгилей кетсек, мындан бир айдан ашык убакыт мурун ушул эле пляждын түштүк тарабындагы Хукатере аймагында сейрек кездешүүчү касаткалардын 15ке жакыны жээкке чыгып калган. Куткаруу аракеттерине карабастан, алардын көпчүлүгү өлгөн

20 Ноябрь 2026 жыл 9:52
Көрүүлөрдүн саны:

Тема боюнча