Ысык-Көлдө F1H2O дүйнө чемпионатынын баштапкы эркин машыгуулары башталды. Стартка ар кайсы өлкөлөрдөн келген пилоттор чыгып, алгачкы жарыштарды өткөрүп, трассанын өзгөчөлүктөрүн изилдеп жана өздөрүнүн техникаларын текшерип жатышат.
Ысык-Көлдөгү суу үстүндөгү жарыш Кыргызстан үчүн тарыхый окуя болуп калды. Өлкө биринчи жолу суу-мотор спорту боюнча дүйнөлүк деңгээлдеги мелдештерди кабыл алууда. Жарыш трассасы көлдүн акваториясында жайгашкан, ал жерде жакынкы күндөрү дүйнөдөгү эң беделдүү чемпионаттардын биринде жеңиш үчүн күрөш жүрөт.
Кыргызстан Гран-присинин башкы жарышы 2-августта өтөт. F1H2O жарыш кайыктары саатына 250 чакырымдан ашык ылдамдыкты өнүктүрүүгө жөндөмдүү, ошондуктан бул мелдештер дүйнөлүк суу-мотор спортундагы эң көрүнүктүү жана кызыктуу мелдештердин бири болуп саналат.
Загрузка ...
