9 жыл мурун Россияда адам өлтүрүүгө шектүү Баткенден кармалды. Бул тууралуу облустук милициядан билдиришти.
Маалыматка ылайык, 2016-жылы Россияда адам өлтүрүү фактысы боюнча козголгон кылмыш иши Кыргызстандын укук коргоо органдарына өткөрүлүп, үстүбүздөгү жылы 3-декабрда Кадамжай РИИБине катталган.
Тергөө материалдарына ылайык, Кадамжай районунун 45 жаштагы тургуну С.А. Москва облусунда чыккан уруш учурунда 1973-жылкы Т.Ж.га бычак менен сокку уруп, анын өлүмүнө себепкер болгон.
Россиянын тергөө органдары тарабынан күнөөсү далилденген соң, кылмыш иши эл аралык конвенциянын негизинде Кыргызстанга жөнөтүлгөн.
Тергөө-ыкчам иш-чараларынын натыйжасында шектүү Кадамжай районунун аймагынан кармалып, убактылуу кармоо жайына киргизилди.
Учурда тергөө иштери уланууда.
Загрузка ...
