22–26-июль күндөрү өткөн IX Эл аралык тоолуу унаа жолдору боюнча автожүрүш ийгиликтүү аяктады. Бул тууралуу “Кыргызавтожол” мамлекеттик ишканасынан билдиришти.
Акыркы күнү катышуучулар Чолпон-Ата – Түп – Каракол – “Каркыра” көзөмөл-өткөрүү пункту багыты боюнча жүрүп, Ысык-Көл облусундагы жолдордун абалына мониторинг жүргүзүштү. Ошондой эле К. Карасаев жана Н. Пржевальскийдин мемориалдык музей комплексине барышты.
“Каркыра” өткөрүү пунктунда Кыргызстандын аймагындагы автожүрүштүн этабы расмий жыйынтыкталып, иш-чара андан ары Казакстанда уланат.
“Беш күндүк автожүрүштүн жүрүшүндө катышуучулар жол инфраструктурасын өнүктүрүү, тоолуу автомобиль жолдорун изилдөө жана эл аралык кызматташтыкты чыңдоо боюнча тажрыйба алмашышты”, — деп айтылат маалыматта.
Загрузка ...
