Кыргызстандын жогорку окуу жайларында кабыл алуу өнөктүгүнүн үчүнчү туру башталды.
«Абитуриент online» автоматташтырылган маалыматтык системасынын маалыматы боюнча, абитуриенттерди каттоо 29-июль саат 14:00гө чейин уланат.
Белгилей кетсек, алгачкы эки турдун жүрүшүндө абитуриенттерден 61 миңден ашык электрондук талон катталган. Анын ичинде 21,6 миңи — бюджеттик, 39,5 миңи — келишимдик орундарга туура келет. ЖОЖдор 41,6 миң абитуриентти окууга тапшырууга сунушташкан.
Тандаган адистиги боюнча окуу каалоосун 30 миңден ашык киши ырастады (23,7 миңи — келишимдик негизде, 6,4 миңи — гранттык негизде).
Кабыл алынгандардын саны боюнча алдыңкы тармактар: педагогикалык жана гуманитардык адистиктер, экономика жана финансы, медицина, маалыматтык технологиялар, ошондой эле юриспруденция болуп саналат.
Жалпысынан өнөктүк беш тур менен өтөт, бардыгы болуп 10 миңге жакын гранттык орун каралган.
Загрузка ...
