Бишкекте эки трамвай линиясын куруу пландалууда

Бишкекте эки трамвай линиясын куруу пландалууда. Бул тууралуу «Биринчи радиодо» Бишкектин башкы архитекторунун орун басары Азирет Азимов билдирди.

Анын айтымында, эки линия борбор калаанын турак жай райондору аркылуу өтүп, жаңы «Азаттык Арена» стадионунан башталып, шаардын борборуна жетет. Алар борборду айланып өтүп, Жибек Жолу, Шабдан Батыр, Фучик жана Ахунбаев көчөлөрү менен өтөт.

«Биринчи этапта болжол менен 30 чакырым курулат», — деди ал.

Азимов курулуш иштеринин так башталуу күнүн азырынча белгилөө мүмкүн эместигин, анткени ал жаңы Башкы планга киргизилгенин, бирок ал азырынча бекитиле электигин белгиледи.

Белгилей кетсек, Башкы план декабрь айынын аягында коомдук талкууга коюлат.