Ошто 300 бала жаңы бакчага бара баштайт

Ош шаарынын Сүрөттүү-Таш айылында 300 балага ылайыкталган №43 «Сүрөттүү-Таш» бала бакчасы пайдаланууга берилди.

Мэриянын маалыматына ылайык, мурда бала бакча №43 З.М. Бабур атындагы мектептин бир бөлүгүндө жайгашып, үч тайпада 65 бала тарбияланып келген. Жаңы мектептин курулушу аяктагандан кийин анын эски имараты капиталдык оңдоодон өткөрүлүп, бала бакчага ылайыкташтырылды.

Натыйжада мекемеде 12 тайпа ачылып, 300 бөбөктү кабыл алууга шарт түзүлдү. Бала бакчанын ачылышына Ош шаарынын мэри Жанарбек Акаев катышты.

20 Ноябрь 2026 жыл 17:23
Көрүүлөрдүн саны:

Тема боюнча