Ленин округунан кайра шайлоого 5 талапкер катышуу ниетин билдирди

Бүгүнкү күнгө карата Борбордук шайлоо комиссиясына №26 Ленин бир мандаттуу шайлоо округу боюнча Жогорку Кеңештин депутатын мөөнөтүнөн мурда шайлоого катышуу ниети менен беш талапкерден арыз түштү.

Төмөнкү жарандар азыр берген:

• 33 жаштагы активист Эртай Искаков;
• 29 жаштагы коомдук ишмер Аскар Алмаз улуу.
• 62 жаштагы «Партия Зеленых Кыргызстана» СП төрагасы Булекбаев Эркин Касымович;
• 40 жаштагы коомдук жана саясий ишмер Ремнёв Роман Павлович;
• 65 жаштагы коомдук жана саясий ишмер Бакир уулу Турсунбай.

Белгилей кетсек, аталган талапкерлердин баары өзүн-өзү көрсөтүшкөн.

Эске сала кетсек, буга чейин БШК Ленин округу боюнча ЖК депутатын шайлоонун жыйынтыгын жокко чыгарган.

Андан соң БШК кайра шайлоону 10-сентябрга белгилеген.