Бүгүн министрлер кабинетинин төрагасынын орун басары – УКМК төрагасы Камчыбек Ташиев үч эмдин энеси Нуржамал Баатырбек кызына Ош шаарынан үч бөлмөлүү батирдин ачкычын тапшырды.
Атайын кызматтан билдиришкендей, Нуржамал Баатырбек кызы Алай районунун Арпа-Тектир айылынын тургуну, төрт баланын энеси.
2024-жылы жарыкка келген үч эмине Мустафа, Муслим жана Муса деген ысымдар коюлган. Жолдошу менен эки жолго түшүп, балдарын өзү багып келе жаткан Нуржамал буга чейин ата-энесинин үйүндө жашап, өз алдынча үй алууга мүмкүнчүлүгү жок эле.
Ош шаарынын борборундагы жаңы батир заманбап шартта толук жасалгаланып, жаш эне менен балдар үчүн кең жана ыңгайлуу очок болуп калды.
Загрузка ...
