Өтмөк ашуусунда кар жаап жатат (видео)

Өтмөк ашуусунда кар жаап жатат. Бул тууралуу Транспорт жана коммуникациялар министрлигинин басма сөз кызматы билдирди.

Маалыматка ылайык, учурда тазалоо иштери Суусамыр-Талас-Тараз унаа жолунун 0-26-чакырым аралыгында жүрүүдө.

Жеринде №36 Жол тейлөө мекемесинин кызматкерлери иштеп жатышат.

Унаа кыймылына чектөөлөр жок.

Транспорт жана коммуникациялар министрлиги тоолуу аймактар жана ашуулар аркылуу жол тарта турган айдоочулардан унаа дөңгөлөктөрүн жайкыдан кышкыга алмаштырып чыгууну суранат.