Ысык-Көлдө милиция 52 синтетикалык торду жок кылды

Ысык-Көл облусунда экологиялык коопсуздукту камсыздоо жана көлдү мыйзамсыз балык уулоодон коргоо максатында Ысык-Көл облустук ички иштер башкармалыгынын туристтик-экологиялык милициясы тарабынан ыкчам-алдын алуу иш-чаралары жүргүзүлдү.

Облустук милициядан билдиришкендей, бул ирет Орто-Өрүктү жана Жаркынбай айыл аймактарынын акваториясында он күн бою жүргүзүлгөн рейддик иш-чаралардын жүрүшүндө:

• 52 даана эски синтетикалык тор (куйма бөлүгүнөн 2 тор) табылып, жок кылынды.
• Көл жээктеринен таштандылар тазаланып, 4 кап таштанды жана кооптуу калдыктар чыгарылды.

Бул иш-чаралар көлдүн тазалыгын сактоого жана балык ресурстарын коргоого багытталган