Кытайдын Шэньяң шаарында Шанхай кызматташтык уюмунун (ШКУ) Эл дипломатиясы жана боордош шаарлар форуму өтүп жатат. Бул тууралуу BIA.KG агенттигинин кабарчысы билдирет.
Форумду Кытайдын ШКУ боюнча Кошуна мамлекеттер менен достук, ынтымак жана кызматташуу комитети Ляонин провинциясынын өкмөтү менен биргеликте уюштурган. Иш-чарага ШКУга мүчө, байкоочу жана диалог боюнча өнөктөш өлкөлөрдүн расмий өкүлдөрү, мамлекеттик жана өкмөттүк мекемелердин мүчөлөрү, коомдук уюмдар, илимий-изилдөө борборлорунун өкүлдөрү жана окумуштуулар катышууда. Жалпы катышуучулардын саны 400дөн ашат.
«Элдердин достугун бекемдөө жана туруктуу өнүгүүнү күчөтүү» темасына арналган форумга Кыргыз Республикасынын делегациясын мамлекеттик катчы Марат Иманкулов жетектөөдө.
Делегациянын курамы төмөнкүдөй:
• Марат Иманкулов – Кыргыз Республикасынын мамлекеттик катчысы, делегациянын жетекчиси;
• Октябрь Капалбаев – Кыргыз Республикасынын Президентинин Администрациясынын саясий жана экономикалык изилдөөлөр, стратегиялык пландоо жана реформаларды талдоо башчылыгындагы бөлүм башчысынын орун басары, бөлүм башчысы (саясатты иштеп чыгуу, реформаларды мониторинг жана талдоо);
• Камил Мамадалиев – “Манас Ордо” комплексинин директору;
• Закирбек Темирканов – Кыргыз Республикасынын мамлекеттик катчысынын жардамчысы.
Форумдун алкагында эл аралык кызматташтыкты өнүктүрүү, боордош шаарлардын ортосундагы байланышты бекемдөө жана туруктуу өнүгүү жаатындагы биргелешкен аракеттер тууралуу маселелер талкууланууда.
Загрузка ...
