Бир жумада 4 миң 691 унаа айып короосуна киргизилди

Жол кыймылынын коопсуздугун камсыздоо башкы башкармалыгы тарабынан 29-июндан 4-июлга чейин 24 миң 985 жол эрежелерин бузуу фактысы аныкталды.

Мекеменин маалыматына ылайык, анын ичинде:

• Тийиштүү документтери жок транспорт каражаттарын башкаруу — 2 539;
• Мас абалында транспорт каражатын башкаруу — 362;
• Автоунаалардын айнектерин мыйзамсыз караңгылатуу — 193;
• Жөө жүргүнчүлөр тарабынан жол эрежелерин бузуу — 1 238;
• Транспорт каражаттарын эксплуатациялоо эрежелерин бузуу — 4 502;
• Автоээнбаштык — 52;
• Белгиленген ылдамдык чектөөсүн ашыруу — 2 135;
• Жалган мамлекеттик номер белгиси менен транспорт каражатын башкаруу — 6;
• Башка жол эрежелерин бузуу фактылары — 9 267.
• Ар кандай жол эрежелерин бузгандыгы үчүн 4 691 автоунаа убактылуу токтотулуучу айып короо жайына токтотулду.

ЖКККББ айдоочуларды жана жөө жүргүнчүлөрдү Жол кыймылынын эрежелерин так сактоого, бири-бирине сылык мамиле кылууга жана жол коопсуздугу чөйрөсүндөгү мыйзамдардын талаптарын кемчиликсиз аткарууга чакырат.