Күн 36° градуска чейин ысыйт. 26-июнга күтүлгөн аба ырайы

26-июнда түнкүсүн жаан-чачын жаабайт. Күндүз Чүй, Талас, Ысык-Көл, Нарын облустарынын айрым жерлеринде, ошондой эле Ош, Жалал-Абад, Баткен облустарынын тоо этектеринде жана тоолуу райондорунда өткүн өтүп, күн күркүрөйт.

Батыштан соккон шамалдын ылдамдыгы секундасына 4–9 метрге, күндүз айрым жерлерде 15–20 метрге жетиши мүмкүн.

Абанын температурасы:

• Чүй өрөөнүндө: түнкүсүн 15…20° жылуу, күндүз 31…36°;
• Талас өрөөнүндө: түнкүсүн 13…18° жылуу, күндүз 28…33°;
• Баткен, Ош, Жалал-Абад облустарында: түнкүсүн 17…22° жылуу, күндүз 33…38°;
• Ысык-Көл облусунда: түнкүсүн 10…15° жылуу, күндүз 25…30°;
• Нарын облусунда: түнкүсүн 4…9° жылуу, күндүз 24…29° болот.

Бишкек шаарында жаан-чачын жаабайт. Батыштан соккон шамалдын ылдамдыгы секундасына 4–9 метрден, күндүз 14 метрге чейин жетет. Абанын температурасы түнкүсүн 18…20° жылуу, күндүз 34…36° ысык болот.