28–29-июнь күндөрү 40 градуска чейин ысык болот

Өлкө аймагында 28–29-июнь күндөрү абанын температурасы кескин жогорулайт.

Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарынын өрөөндөрүндө күндүзгү температура 35–40°ка чейин жетет.

Мындай ысык аба ырайынын учурунда организмди суусуздандыруудан жана күн өтүп кетүүдөн сактануу үчүн:

• күндүз күн ачык жерлерде көпкө жүрбөөгө;
• көп суу ичүүгө;
• айыл чарба өсүмдүктөрүн үзгүлтүксүз сугарууга сунуш кылынат.