Венесуэладагы кыйратуучу жер титирөөлөрдүн кесепетинен каза болгондордун саны 4 829 адамга жетти. Бул тууралуу Reuters агенттиги маалымдады.
Жаңыланган маалыматка ылайык, 24-июндагы жер титирөөдөн кийин жабыркагандардын саны өзгөргөн жок жана 16 740 адамды түзүүдө. Ал эми табигый кырсыктын кесепетинен дагы 17 миң 907 тургун үй-жайсыз калды.
Катуу жер титирөө Венесуэланын борбору Каракастагы үйлөрдү кыйраткан.
АКШнын Геологиялык кызматынын маалыматы боюнча, зилзаланын очогу Каракастан батышты көздөй 168 чакырым алыстыкта, Кариб деңизинин жээгиндеги Морон калктуу конушунда орун алып, очоктун тереңдиги 13 чакырымды түзгөн.
Кырсыкка байланыштуу Венесуэлада 1-июлдан тарта жети күндүк улуттук аза күтүү жарыяланган. Учурда жабыркаган аймактарга эл аралык жардамдар келе баштады, алсак, Кытай биринчилерден болуп Венесуэлага гуманитардык жардамдын алгачкы партиясын жөнөттү.
Загрузка ...
