Көчмөндөр оюндарында 2400 метрлик ат чабышта Казакстандын өкүлү жеңишке жетти

Чолпон-Ата шаарындагы ипподромдо VI Дүйнөлүк көчмөндөр оюндарынын алкагында 2400 метр аралыкка ат чабыш боюнча мелдеш өттү.

Жарышка жалпы 12 чабандес катышты. Мелдештин жыйынтыгында Казакстандын өкүлү биринчи орунду ээледи.

Белгилей кетсек, VI Дүйнөлүк көчмөндөр оюндары 2026-жылдын 31-августунан 6-сентябрына чейин Кыргызстанда өтүүдө. Ачылыш аземи 31-августта борбор калаадагы «Бишкек Арена» стадионунда орун алды. 1-сентябрдан 6-сентябрга чейин оюндар Ысык-Көл облусунда өткөрүлүп, ага 109 өлкөдөн 3000ден ашуун спортчу катышууда.