Актөбөдө жолдо калган 55 өзбекстандык эвакуацияланды

13-январда Казакстандын Актөбө облусундагы Самара-Чымкент унаа жолунда Ташкенттен Казанга бараткан жүргүнчү автобус бузулуп калган.

Автобустагы 55 жүргүнчү Өзбекстандын жараны болгон. Бул тууралуу Казакстандын Өзгөчө кырдаалдар министрлиги билдирди.

Облустук Өзгөчө кырдаалдар башкармалыгы жүргүнчүлөрдү Карабутак айылындагы мечитке эвакуациялады. Эч кимге медициналык жардам зарыл болгон жок.

Коңшу өлкөнүн Өзгөчө кырдаалдар министрлиги аба ырайына байкоо жүргүзүүнү, аба ырайы начарлап, унаа кыймылына чектөөлөр киргизилгенде жолдо жүрбөөнү, ошондой эле транспорттун техникалык абалын көзөмөлдөөнү сунуштайт.

15 Январь 2024 жыл 11:59

Тема боюнча