Баткенде асыл тукум букаларды аткезчилик жол менен алып чыгып бараткан жаран кармалды. Бул тууралуу облустук милициянын басма сөз кызматынан билдиришти.
Маалыматка ылайык, Кара-Бак айылдык милиция бөлүмчөсүнүн кызматкерлери чек ара кызматкерлери менен биргеликте Баткен районунун Кызыл-Бел айылынын 48 жаштагы К.С. аттуу тургунун бүгүн, 8-январда түнкү саат 03:00 чамасында «Ганжак» участкасынан коңшу өлкөгө 5 баш асыл тукум ийри мүйүздүү малды айдап бараткан жеринен кармаган.
Бул факты Баткен РИИБдин маалыматтардын электрондук журналына катталып, учурда текшерүү иштери жүрүп жатат.
Загрузка ...
