Баткенде чек арачыларга ооз ачар уюштурулду

Баткен шаарындагы №2022 жана №2053 чек ара аскер бөлүктөрүндө ооз ачар уюштурулду.

Ооз ачар КР Дин иштери боюнча мамлекеттик комиссиясы жана Кыргызстан мусулмандарынын дин башкармалыгы тарабынан уюштурулду.

Мамлекеттик комиссиядан билдиришкендей, иш-чарада Дин иштери боюнча мамлекеттик комиссиянын директору Азамат Юсупов үй-бүлө жана мекенди сүйүү, аны көздүн карегиндей сактоо, ар бир жаран мындан ары да мамлекеттин тынчтыгын, коопсуздугун бекемдөөгө милдеттүү экендигине токтолуп, Орозо айында баарына ынтымак, тынчктыкты каалап өттү.

Иш-чарага Кыргызстан мусулмандарынын муфтийи, президенттин Баткен облусундагы ыйгарым укуктуу өкүлү, Баткен районунун акими, Баткен шаарынын мэри, Аалымдар кеңешинин төрагасы, муфтияттын кызматкерлери жана чек арада кызмат өтөп жаткан жоокерлер катышышты.