Биржадагы өсүш: Күмүш 10%, алтын 5% кымбаттады

Шейшемби күнү эртең менен биржада күмүштүн баасы 10 пайыздан ашык, ал эми алтын болжол менен 5 пайызга өстү. Бул тууралуу соода маалыматтарында айтылат.

Нью-Йорктогу Comex биржасында күмүштүн март айындагы фьючерсинин баасы 10,21 пайызга жогорулап, бир унциясы 84,875 долларды түздү.

Ошол эле учурда алтындын апрель айындагы фьючерсинин баасы мурунку жабылууга салыштырмалуу 242,26 долларга же 5,21 пайызга өсүп, бир унциясы 4 894,86 долларды түздү.