Бишкекте 1-класстын окуучулары кошумча каникулга тарайт

Бишкекте 1-класстын окуучулары 12-февралдан 17-февралга чейин кошумча каникулга тарайт. Бул тууралуу мэриянын маалымат кызматы кабарлады.

Ага ылайык, окуучулар бир жума эс алып, окуу кайра 19-февралда башталат.

1-класстын окуучулары үчүн кошумча каникулдарды мэриянын билим берүү департаменти бекиткени кошумчаланды.

Ал эми жазгы каникул 21-мартта башталып, 31инде бүтөт. Окуу 1-апрелде башталат.