Эль-Ниньо климаттык кубулушу 2027-жылдын аягына чейин болжол менен 50 миллион адамды ачарчылыкка алып келиши мүмкүн. Бул тууралуу Британиянын «The Guardian» басылмасы БУУнун Бүткүл дүйнөлүк азык-түлүк программасына таянып жазды.
Уюмдун баамында, азык-түлүк кризисинин жаңы толкуну тамак-ашка жетүүдө олуттуу көйгөйгө дуушар болгон өлкөлөргө таасирин тийгизет. Маалыматка ылайык, учурда 45 мамлекетте болжол менен 225 млн адам курч абалда турат жана Эль-Ниньонун кесепеттери кырдаалды дагы да начарлатышы күтүлүүдө.
Эль-Ниньо — бул Тынч океандын тропикалык бөлүгүндө бир нече жыл сайын пайда болгон табигый климаттык кубулуш. Ал океандын бетиндеги температураны өзгөртөт жана дүйнө жүзү боюнча жаан-чачындын жаашын бузат. Мунун кесепетинен, кээ бир аймактар катуу кургакчылыкка, башкалары нөшөрлөгөн жамгырга жана суу ташкындарына туш болот. Бул айыл чарбасына, түшүмдүүлүккө жана азык-түлүк баасына түздөн-түз таасирин тийгизет.
Адистердин божомолу боюнча, азыркы Эль-Ниньо акыркы 70 жылдагы эң күчтүү кубулуштардын бири болушу мүмкүн.
Эң олуттуу кесепеттер төмөнкү аймактарда күтүлүүдө:
Азияда синоптиктер жаан-чачындын аз болушун болжолдошууда жана бул айыл чарбасы үчүн олуттуу көйгөйлөрдү жаратат. Түштүк Африкада мунун таасири 2027–2028-жылдары сезилип, азык-түлүк коопсуздугуна сокку урат.
Британиялык басылма жазгандай, климаттык факторлордон тышкары кырдаал мурунтан эле курч болгон:
Мындай кырдаалга байланыштуу Бүткүл дүйнөлүк азык-түлүк программасы алдын ала эскертүү системаларын күчөтүп, муктаж аймактарга эрте гуманитардык жардам көрсөтүүдө. Бул иштерге азырынча кеминде 80 млн доллар бөлүндү.
Ошондой эле дүйнөдө азык-түлүк кымбатташы мүмкүн. Эксперттердин айтымында, мунун кесепети жакыр өлкөлөргө эле эмес, башка мамлекеттерге да таасир этет. Түшүмдүн азайышынан улам дүйнө жүзүндө азык-түлүктүн баасы өсөт.
Европада фермерлер катуу ысык жана жаан-чачындын аздыгынан түшүм азайып жатканын билдиришүүдө. Ал эми соода түйүндөрү азык-түлүккө болгон баанын жогорулашына даярдык көрүп жатышат.
Загрузка ...
