Жогорку Кеңештин мурдагы депутаты Эмил Жамгырчиев үй камагына чыкты. Адвокаты Кайсын Абакиров Фейсбукка жазгандай, Жамгырчиевдин бөгөт чарасы 2-февралда Бишкектин Биринчи Май райондук сотунда каралган.
Сот Улуттук коопсуздук мамлекеттик комитетинин Башкы тергөө башкармалыгынын өтүнүчүн канааттандырган. Бул маалыматты райондук соттун басма сөз кызматы да ырастады.
2-февралда Борбордук шайлоо комиссиясы Жамгырчиевдин арызынын негизинде аны депутаттык мандатынан ажыраткан.
24-январда Бишкектин Биринчи Май райондук соту Жамгырчиевдин бөгөт чарасын карап, аны 26-февралга чейин Улуттук коопсуздук мамлекеттик комитетинин тергөө абагына камакка алган.
Загрузка ...
