Эскертүү! Бишкек – Ош жолу дрон менен көзөмөлдөнүүдө

Бишкек – Ош унаа жолунда жол эрежесин бузгандар дрон менен аныкталууда. Бул тууралуу Жол кыймылынын коопсуздугун камсыздоо башкы башкармалыгынан билдиришти.

Маалыматка ылайык, Жалал-Абад облусунун Жол кыймылынын коопсуздугун камсыздоо бөлүмү тарабынан атайын тесттик режиминде жол-унаа кырсыктарын алдын алуу жана болтурбоо максатында дрон менен байкоо жүргүзүп, айдоочулар арасында профилактикалык түшүндүрүү иштерин алып барууда.

«Дрон аркылуу карама-каршы тилкеге чыккандар, алдыдагы авто унаадан ашып өтүү, озуп өтүү өңдүү жол эрежелери аныкталууда», — деп айтылат маалыматта.

Буга байланыштуу ЖКККББ айдоочуларды жол эрежелерин так сактоого чакырат.