Көңүл бургула! Бүгүн Бишкектеги Чүй проспектисинин бир бөлүгү жабылат

Бүгүн, 15-декабрда Бишкектеги Чүй проспектисинин Панфилов көчөсүнөн Эркиндик бульварына чейинки бөлүгү жабылат.

Муниципалитеттен билдиришкендей, саат 19:00дө өлкөнүн башкы балатысын жандыруу аземи болот. Андыктан саат 18:00дөн баштап иш-чара аяктаганга чейин Чүй проспектисинин бир бөлүгү тосулуп турат.

Бишкек мэриясы келтирилген ыңгайсыздыктар үчүн кечирим сурайт жана тыгынды болтурбоо үчүн айдоочуларды алдын ала альтернативдүү жолдорду тандап алууга чакырат.

15 Декабрь 2023 жыл 13:52

Тема боюнча