Орунтаев Чүйдөгү соцобъекттердин курулушун текшерди

Архитектура, курулуш жана турак жай-коммуналдык чарба мамлекеттик агенттигинин директору Нурдан Орунтаев Чүй облусундагы социалдык объекттердин курулуш иштерин текшерди. Бул тууралуу Мамкурулуштан билдиришти.

Комиссиялык кыдырууга ошондой эле Турак жай-жарандык курулуш департаментинин директорунун орун басары Жыргалбек Медетканов жана Чүй облустук капиталдык курулуш башкармалыгынын өкүлдөрү да катышты.

Жумушчу комиссиянын жүрүшүндө төмөнкү объекттер текшерилип, тиешелүү тапшырмалар берилди:

• Новопавловка мектеби;
• Чыңгыз Айтматов мектеби;
• Сокулук районунда жайгашкан стадион;
• Жакшылыков мектеби;
• Манас айылынан Манас мектеби жана Жаңы-Жер айылында жайгашкан мектеп.