Ишкерлерден пара талап кылган Жаратылыш ресурстары, экология жана техникалык көзөмөл министрлигинин Чүй аймактык башкармалыгынын кызматкерлери кармалды. Бул тууралуу УКМКдан билдиришти.
Маалыматка ылайык, 13-майда Кылмыш-жаза кодексинин 343-беренесинде (пара талап кылуу) каралган кылмыш белгилери боюнча козголгон кылмыш ишинин алкагында 61 жаштагы О.М.К. жана 34 жаштагы Д.О.М. өзгөчө ири өлчөмдө пара алып жаткан жеринен кармалды.
Жүргүзүлгөн иш-чаралардын жыйынтыгында кармалган О.М.К. УКМКнын убактылуу кармоочу жайына киргизилди, ал эми Д.О.М. өлкөдөн чыкпоо жөнүндө тилкаттын негизинде бошотулду.
Тергөө иштери уланууда.
Загрузка ...
