Ысык-Көлдө жол кырсыгына кабылган милициянын кайгуул кызматкери Бишкектеги республикалык ооруканага жаткырылды. Бул тууралуу Ички иштер министрлиги 17-августтун кечинде билдирди.
15-августта кайгуул кызматкери Элистан Арзыбеков Ысык-Көл облусунда жол тыгынын жөнгө салып жаткан маалда аны Мерседес-Бенц үлгүсүндөгү унаа сүзүп кеткен. Ал Бишкек шаардык жол коопсуздук башкармалыгынын кызматкери жана Ысык-Көлгө убактылуу которулган.
ИИМ жана Саламаттык сактоо министрлиги анын ден соолугу боюнча маалымат бере элек.
18-июлда да Чолпон-Ата шаарында иш учурунда Бишкек шаардык милициясынын кайгуул кызматынын маалымат катчысы Мирлан Талайбековду кичи автобус сүзүп кеткен. Кызматкер башынан жараат алып, ооруканага жаткырылган.
Загрузка ...
