Жогорку Кеңештин жыйынында депутат Дастан Жумабеков санариптик өнүктүрүү министринин орун басары Нурсултан Кубановдон идентификациялык жеке номерди (ИЖН) кайсы учурда алмаштырууга болорун сурады.
Анын айтымында, ИЖН-кодду алмаштырууга техникалык ката кеткен учурда гана уруксат берилет.
Жумабеков ИЖН-код берүүдө аялдарга 1 цифрасы, ал эми эркектерге 2 цифрасы ыйгарыларын белгиледи.
Министрдин орун басары мыйзамга ылайык, жынысын өзгөрткөндүгүнө байланыштуу ИЖН-кодду алмаштырууга болбой турганын айтты.
«Учурда ИЖН-кодду ыйгаруу боюнча төрөт үйлөрү менен интеграциялык иштер жүрүп жатат. ИЖН-кодду алмаштыруу маселеси жарандын жеке кайрылуусунан кийин жана алмаштыруунун себептери толук изилденгенден кийин гана каралышы мүмкүн», — деп жооп берди ал.
Загрузка ...
