Бишкекте 31-августта VI Дүйнөлүк көчмөндөр оюндарынын ачылыш аземин көрүү үчүн 12 фан-зона ачылат.
Башкы фан-зона Ала-Тоо аянтында жайгашат. Ал эми калган 11 фан-зона шаардын бардык төрт районунда ачылат. Ал жерде Көчмөндөр оюндарынын ачылышынын жана ШКУ саммитинин негизги иш-чараларынын түз эфирде көрсөтүлөт.
Октябрь району:
«Тунгуч» кичи районундагы «Тунгуч-1» сквери;
«Ынтымак-2» паркынын амфитеары.
Ленин району:
Ю. Фучик атындагы парк;
«Ак-Өргө» конушундагы «Ашар» паркы;
«Жал» кичи районундагы «Муун» сквери.
Биринчи май району:
Кокчетав жана Түлөбердиев көчөлөрүнүн кесилишиндеги Ч. Түлөбердиев атындагы парк;
Токтоналиев көчөсү, 62 дарегиндеги спорттук комплекс;
«Ак-Босого» конушундагы Чүй көчөсү, 52 дарегинде жайгашкан сквер.
Свердлов району:
Үсөнбаев көчөсү, 200/1 дарегиндеги «Алга» спорттук комплекси;
«Чыгыш-5» кичи району, 1а дарегинде жайгашкан № 66 орто мектеби;
Энесай 1-көчөсү, 1 дарегиндеги № 21 орто мектеби.
Бишкек мэриясынын маалыматы боюнча, трансляциялар башталганга чейин аянтчаларда концерттер өтөт. Мындан тышкары, шаар бийлиги фотозоналарга, көргөзмөлөргө, фуд-кортторго жана эс алуу зоналарына уюштуруу жумуштарын жүргүзөт. Шаардыктар жана борбор калаанын коноктору үчүн улуттук оюндар бар аянтчалар даярдалат.
Эске салсак, VI Дүйнөлүк көчмөндөр оюндары Кыргызстанда 2026-жылдын 31-августунан 6-сентябрына чейин өтөт. Ачылыш аземи 31-августта борбор калаадагы «Бишкек Арена» стадионунда орун алат, ал эми негизги мелдештер Ысык-Көл облусунда өткөрүлөт. Бишкектеги ШӨУ саммити 31-август жана 1-сентябрь күндөрүнө пландаштырылган.
Загрузка ...
