Үч-Коргон ГЭСин модернизациялоо иштери 2026-жылдын аягына чейин аяктайт. Бул тууралуу Энергетика министрлиги билдирди.
Учурда №1 жана №2 гидроагрегаттарды жаңылоо иштери жүрүп жатат. Бардык иштер бүткөндөн кийин станциянын кубаттуулугу азыркы 198 МВттан 216 МВтка чейин көбөйөт.
ГЭСти реконструкциялоо 2024-жылы башталган. Долбоордун алкагында №3 жана №4 гидроагрегаттар жаңыртылып, алардын кубаттуулугу 9 МВтка жогорулатылган.
Үч-Коргон ГЭСи Жалал-Абад облусундагы Нарын дарыясында жайгашкан. Станция 1961–1962-жылдары пайдаланууга берилген.
Маалымат үчүн: Үч-Коргон ГЭСи Жалал-Абад облусунда, Нарын дарыясында жайгашкан. Станция 1961–1962-жылдары пайдаланууга берилген. 60 жылдан ашуун убакыттан бери иштеп келе жаткан станцияда жүргүзүлүп жаткан бул реконструкция негизги жабдууларды жаңыртуу боюнча алгачкы ири масштабдуу модернизация болуп саналат.
Загрузка ...
