Жогорку Кеңеш 2-сентябрда Максат Асаналиевди башкы прокурор кызматынан бошотууга макулдук берди.
Бүгүн Жогорку Кеңештин VIII чакырылышынын экинчи сессиясы ачылгандан кийин, Сот-укуктук маселелер, кылмыштуулук менен күрөшүү жана коррупцияга каршы аракеттенүү боюнча комитети Асаналиевди бошотуу маселесин карады. Депутаттар сессияда комитеттин чечимин бир добуштан колдошту.
Максат Асаналиев 30-июнда кызматынан алынган. Башкы прокурордун милдетин убактылуу аткаруучу болуп Малик Бектурганов дайындалган болчу.
Асаналиев учурда Улуттук коопсуздук мамлекеттик комитетинин төрагасынын милдетин аткарып жатат.
Загрузка ...
