АКШ өкмөтү кыргыз жарандарына берилген жаңы туристтик жана ишкердик визаларынын жарактуу мөөнөтүн 5 жылдан 10 жылга чейин узартты. Бул тууралуу Американын Кыргызстандагы элчилиги билдирди.
Андан тышкары, кыргыз паспортунун ээлери үчүн B1, B2 жана B1/B2 визалары үчүн 20 долларлык өз ара төлөм алынып салынды.
«Бул өзгөрүүлөр кыргыз элине кызмат көрсөтүүнү жакшыртуу, өлкөлөрүбүздүн ортосундагы каттамдарды жеңилдетүү жана байланыштарыбызды бекемдөөгө багытталган», – деди элчи Лессли Вигери.
Жаңы 10 жылдык жарактуулук мөөнөт, 2024-жылдын 4-мартында же андан кийин берилген B1, B2 жана B1/B2 визаларына тиешелүү. Ал мурда берилген визалар үчүн арт тарапка колдонулбайт жана жарактуулугу жана өз ара өзгөрүүсү жогоруда аталган виза категорияларына гана тиешелүү.
