Дүйнөлүк саламаттык сактоо уюму эпидемияга каршы күрөштө үмүттөндүргөн жылыштар бар экенин билдиргени менен, эбола вирусу дагы деле адамдардын өмүрүн алып кетүүдө. Бул тууралуу Казинформ билдирет.
ДССУнун башкы директору Тедрос Аданом Гебрейесустун айтымында, ооруну көзөмөлдөө боюнча жүргүзүлүп жаткан иштерден оң натыйжалар байкала баштады.
“Эбола эпидемиясына каршы күрөштө үмүттөндүргөн белгилерди көрүп жатабыз. Дарылоо ыкмаларын сыноо жана айыгып кеткен адамдарды кайрадан жуктуруп алуудан коргоо боюнча иштер күчөп жатат. Вакциналарды сыноо жакынкы апталарда башталат. Бирок эпидемия дагы деле жайылып, адамдардын өмүрүн алып кетүүдө”, — деди ал.
Ошол эле учурда өлкөдө Эболадан каза болгондордун саны 3 миң 510 адамга жетти. Оору 7 миң 258 адамдан лабораториялык жактан тастыкталган. Өлүм көрсөткүчү 48,4 пайызды түзүүдө.
Учурда ооруканаларда жана медициналык изоляторлордо вирус чыккан 903 бейтап көзөмөлдө турат. Аны жуктурган адамдар менен байланышта болгондордун 78,6 пайызы аныкталып, медициналык көзөмөлгө алынган.
Эпидемия Конгонун 26 провинциясынын жетөөнө жайылды. Оорунун негизги очогу болгон Итури провинциясында өлкө боюнча тастыкталган учурлардын 78 пайызы катталган.
Загрузка ...
