«Манас» эл аралык аэропортунун учуу-конуу тилкесине төшөлгөн жаңы асфальт-бетондун сапатына сыноо жүргүзүлдү. Бул тууралуу Курпулуш министрлиги билдирет.
Текшерүүнүн алкагында адистер битумдун жана асфальт-бетондун өзөктөрүнүн үлгүлөрүн алып, аларды физика-механикалык көрсөткүчтөр боюнча кийинки сыноолорго даярдашты.
Жүргүзүлгөн сыноолордун жыйынтыгы боюнча материалдардын сапаты белгиленген ченемдик талаптарга шайкештигин аныктоочу сыноо протоколу даярдалат.
Алынган маалыматтар учуу-конуу тилкесинин ишенимдүүлүгүн жана узак мөөнөттүүлүгүн баалоо үчүн колдонулат, бул анын коопсуз жана узак мөөнөттүү иштешин камсыз кылууга мүмкүндүк берет.
Загрузка ...
