Ала-Букада экспорттук-логистикалык борбордун курулушу аяктады

Ала-Бука районунда «Бай-Талаа» экспорттук логистикалык мал чарба борборунун курулушу соңуна чыкты. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.

Маалыматка ылайык, «Бай-Талаа» экспорттук логистикалык мал чарба борборунун курулуш иштери бүгүнкү күндө 98%га аяктап, пайдаланууга берүү алдында турат.

Ири долбоордун негизги параметрлери:

• кубаттуулугу: 3000 баш малга ылайыкталган;
• түзүлүүчү жумуш орундары: 1200;
• курулуш аянты: 50 000 м²;
• жалпы наркы: 18 млн сом;
• каржылоо булагы: Жеке инвестиция;
• буйрутмачы: “Кыргыз Эко Экспорт” ишканасы;
• подрядчы: “Арх Курулуш” ишканасы.

Бүгүнкү күндө борбордун негизги курулуш иштери толук бүткөрүлүп, кошумча иштер – автоунаа токтотуучу жайларды уюштуруу жана кардарларга ыңгайлуу шарттарды түзүү иштери аткарылууда.

Бул борбордун ачылышы менен Ала-Бука районунда жаңы жумуш орундарын түзүү, аймактагы мал чарбасын экспортко багыттоо жана айыл чарба продукциясынын логистикасын жакшыртуу мүмкүнчүлүгү жаралат.